देह पालटल्याची वार्ता गुप्त ठेवली गेली असली, तरी लोकांत त्याबद्दल कुजबूज चालूच होती. खेरीज गव्हर्नर आणि आर्चबिशप यांनाही ही फसवणूक ठाऊक होती. त्यांच्या बोलण्यातून ही गोष्ट इतरत्रही पसरत होती.

‘….हा दुसरा देह गोव्यातील केळशी या गावच्या मृत पाद्र्याचा आहे, असेही विन्सेंट कुर्रिया आफोंसो म्हणतो. या पाद्र्याचे नावही त्याने सांगितले असून त्याबद्दलचे काही पुरावेही तो आपल्या लेखात देतो आहे.’

‘संत झेविअर याचे अवशेष म्हणून या अवशेषांचे प्रदर्शन करून लोकांच्या श्रद्धांचा अपलाभ घेतला जात आहे’, असे लेखकाचे (विन्सेंट कुर्रिया आफोंसो) म्हणणे असून ‘सरकार या सगळ्याला साहाय्य करते’, ही गोष्ट निश्चितच चमत्कारिक आहे.