नोटरींच्या सहभागाविना भूमी बळकावण्याचा घोटाळा होणे अशक्य आहे. भूमी बळकावल्याच्या प्रकरणी निवृत्त न्यायमूर्ती जाधव आयोगाच्या अहवालात नावे असलेल्या नोटरींची सेवा बंद करण्यात येईल, अशी चेतावणी कायदामंत्री आलेक्स सिक्वेरा यांनी दिली आहे.

पणजी स्मार्ट सिटी डेव्हलपमेंट लिमिटेड आणि कदंब वाहतूक महामंडळ यांनी शहरातील विजेवरील काही बससेवा कॅशलेस करण्याचा निर्णय घेतला होता; परंतु ‘स्मार्ट ट्रान्झिट कार्ड’साठी ग्राहकांचा अपेक्षित प्रतिसाद न मिळाल्याने हा निर्णय सध्या पुढे ढकलण्यात आल्याची माहिती दिली आहे.

जुने गोवे येथील ‘इन्क्विझिशन पिलर’ किंवा ‘हातकातरो खांब’ संरक्षित स्मारक म्हणून घोषित करण्यास ‘बफर झोन’चा अडथळा येत असल्याची माहिती उपलब्ध झाली आहे.