मारुति सीतेला अशोकवनात भेटल्यावर, मारुतीने तिला आपल्यासमवेत येण्याची प्रार्थना केली. त्या वेळी त्याचे लहान रूप पाहून सीतेने त्याच्या बळाविषयी शंका व्यक्त केल्यावर मारुतीने ‘सारे ब्रह्मांड थिटे पडेल’, एवढे महाविशाल रूप धारण केले.

समर्थ रामदासस्वामींनी विविध नावांनी मारुतीच्या रूपाचे वर्णन आणि त्याची स्तुती केली आहे. स्तोत्रातील आरंभीचे तेरा श्लोक स्तुतीपर आणि वर्णनपर अन् नंतरचे श्लोक फलश्रुतीचे आहेत.