झेविअरच्या अवशेषांची कथा !

भाग ५ वाचण्यासाठी येथे क्लिक करा : https://sanatanprabhat.org/marathi/1037783.html

या अवशेषांजवळ एक रत्नजडित राजदंडही होता. हा राजदंड ही गोव्यावर राज्य करण्याची निशाणी होती आणि संत झेवियरच्या आज्ञेने गव्हर्नर हा राजदंड घेऊन गोव्याचे राज्य करत होता.

‘वर्ष १९६१ मध्ये भारतीय फौजा गोव्यात शिरू लागल्या आणि सालाझारने संत झेविअरचे शव असलेली रूपेरी पेटी पोर्तुगालला पाठवून देण्याचा आदेश दिला.’

‘आतल्या शवापेक्षा रूपेरी पेटीच्या आकर्षणाने हा आदेश दिला होता. गुप्त पोलीस शव न्यायला आले, तेव्हा व्हासाल द सिल्वा यांनी हे शव झेविअरचे नसून कॅनन गोम्सचे आहे, ही गोष्ट त्यांना सांगितली आणि पुरावा म्हणून ओल्ड गोव्याच्या सेंट कॅजेटन चर्चमध्ये कॅनन गोम्सची शवपेटी खोलून दाखवली. त्या पेटीत गोम्सचे शव नव्हते. केवळ त्याचा लाकडी पुतळा शवाच्या जागी होता.’

‘यामुळे रूपेरी पेटीत आणि त्यातील ते तथाकथित संताचे शव गोव्यातच राहिले; मात्र पोर्तुगालला परततांना रत्नजडित राजदंड मात्र व्हासाल द सिल्वाने स्वतःच्या बरोबर नेला’, असे विन्सेंट कोरिया आफोंसोचे म्हणणे आहे.

– स्व. नारायण आठवले, संपादक, दैनिक ‘गोमंतक’.

(साभार : दैनिक ‘गोमंतक’, २८.४.१९८५)

भाग ७ वाचण्यासाठी येथे क्लिक करा : https://sanatanprabhat.org/marathi/1038815.html