हृदयाशी संबंधित आजाराने ग्रासलेल्या एका रुग्णाचा मृत्यू झाल्यानंतर त्याच्या नातेवाइकांनी आधुनिक वैद्याच्या दालनाची तोडफोड केली, तर आधुनिक वैद्यांना पट्ट्यांनी मारहाण करण्याचा प्रयत्न केला. ही घटना १३ सप्टेंबर या दिवशी मध्यरात्रीनंतर कमलनयन बजाज रुग्णालयात घडली.

जिल्हा शासकीय रुग्णालयात रुग्णांच्या सोयीसाठी भ्रमणभाषद्वारे ओटीपी सेवा चालू करण्यात आली आहे; मात्र ‘रेंज’ मिळत नसल्यामुळे रुग्णांची मोठी गैरसोय होत आहे. याची नोंद रुग्णालय प्रशासनाने घ्यावी, अशी मागणी रुग्णांकडून होत आहे.