मी श्रीकृष्णाच्या चित्रासमोर बसून त्याच्याकडे पहात असतांना मला वाटते, ‘सगळे काही तिथेच थांबले आहे.’ त्या वेळी मला कृष्णाविषयी एक वेगळेच प्रेम जाणवते. मला ते शब्दांत वर्णन करता येत नाही. माझ्या मनात त्याच्याविषयी एक प्रकारची ओढ निर्माण होते आणि मला काव्य किंवा लिखाण सुचते.

मी श्रीकृष्णाच्या चित्राकडे पाहून आत्मनिवेदन करते. ‘आत्मनिवेदन केल्यावर माझ्या सर्व अडचणी सुटतात आणि मन हलके होते’, अशी मला अनुभूती येते.

आश्रमात मी ३ दिवस जे बघितले, अनुभवले, त्या गोष्टी मी कधीच विसरू शकणार नाही. भारतामध्ये गोव्याला एक वेगळे सौंदर्य मिळाले आहे. ‘उत्तम निसर्गाच्या सानिध्यात आश्रम आहे आणि त्या आश्रमात संशोधन केले जात आहे’, हे वाखाणण्याजोगेच आहे.