दुसर्‍या दिवशी ‘माझी परीक्षा २६.६.२०२२ या दिवशी आहे’, असे मला समजले. ‘हे केवळ प.पू. गुरुदेवांच्या कृपाशीर्वादामुळेच होऊ शकले’, असे लक्षात येऊन माझ्या डोळ्यांतून भावाश्रू आले आणि कृतज्ञता व्यक्त झाली. या प्रसंगातून ‘देवच सर्वकाही करतो; कारण ‘तोच कर्ता करविता’ आहे’, याची मला जाणीव झाली.

पूर्वी ‘मुलाने नामजप करावा, त्याचे आपत्काळात रक्षण व्हावे’, असे माझ्या मनात अपेक्षेचे विचार असायचे. नंतर ‘प्रत्येकाच्या प्रारब्धानुसार घडत असते’, असा विचार करून ‘देवा, तुला जसे अपेक्षित आहे, तसे घडू दे’, अशी मी प्रार्थना चालू केली.