छत्रपती संभाजीनगर येथील महायुतीचे उमेदवार विलास भुमरे गच्चीतून पडून घायाळ !

छत्रपती संभाजीनगर – जिल्ह्यातील पैठण विधानसभा मतदारसंघाचे महायुतीचे उमेदवार विलास भुमरे पाचोड येथील त्यांच्या निवासस्थानी १६ नोव्हेंबर या दिवशी पहाटे भोवळ येऊन गच्चीतून कोसळले.  त्यांना डाव्या बाजूने हाता-पायाला ४ ठिकाणी अस्थीभंग झाला आहे. त्यांना येथील गॅलेक्सी रुग्णालयात भरती करण्यात आले आहे. आधुनिक वैद्यांनी त्यांची प्रकृती बरी असून काळजी करण्याचे काही कारण नाही, अशी माहिती दिली. त्यांचे बंधू शिवराज भुमरे म्हणाले की, यापुढे काही दिवस ते प्रचारात सहभाग नोंदवू शकणार नाहीत.

संदीपान भुमरे हे छत्रपती संभाजीनगरचे खासदार म्हणून निवडून आल्याने त्यांनी मुलाला विलास यांना निवडणुकीच्या रिंगणात उतरवले आहे. या मतदारसंघावर १९९० पासून शिवसेनेचा वरचष्मा आहे.