मुंबई, कोकण आणि पश्चिम महाराष्ट्र यांना जोडणारा अत्यंत महत्त्वाचा दुवा म्हणून पनवेल बसस्थानकाकडे पाहिले जाते. या स्थानकातून प्रतिदिन ३ सहस्रांपेक्षा अधिक बसगाड्यांची ये-जा होते; मात्र वाढत्या प्रवासी संख्येच्या तुलनेत येथील पायाभूत सुविधा अत्यंत तोकड्या पडत आहेत.

बसस्थानकावरील कचराकुंड्यात कचरा टाकण्याऐवजी बसस्थानकाच्या परिसरात सर्वत्र कचरा टाकलेला दिसतो. पाण्याच्या रिकाम्या बाटल्या, बिस्किटचे पुडे, वेफर्स यांची वेष्टने, चहाचे कागदी कप, शिल्लक खाद्यपदार्थ बसस्थानकाच्या परिसरात सर्वत्र पुष्कळ प्रमाणात पडलेले दिसतात.