दीपाली चव्हाण यांनी आत्महत्या केल्यानंतर श्रीमती यशोमती ठाकूर यांनी अधिकार्‍यांवर कारवाई होण्यासाठी धडपड चालू केली; मात्र दीपाली यांनी यशोमती ठाकूर यांच्याकडे तक्रार केल्यानंतर त्यांनी त्वरित शिवकुमार याला बोलावून त्याला समज का दिली नाही ?, कारण त्या पालकमंत्री आहेत.
राज्यातील प्राथमिक, माध्यमिक आणि उच्च माध्यमिक शाळांना १ मेपासून उन्हाळी सुट्टी लागू करण्यात आली आहे. वर्ष २०२१-२२ या शैक्षणिक वर्षाला १४ जूनपासून प्रारंभ होणार आहे, अशी माहिती शिक्षण विभागाकडून देण्यात आली.
रुग्णांचे रक्षक असणारे आरोग्य कर्मचारी रुग्णांचे भक्षक बनत असतील आणि रुग्णालये त्यांना पाठीशी घालत असतील, तर ते गंभीर आहे ! अशाने रुग्णालयावरील जनतेचा विश्‍वास उडाला तर आश्‍चर्य वाटायला नको !
महानगरपालिकेच्या आयुक्तांसमवेत ‘ऑनलाईन’ संवाद साधतांना उद्धव ठाकरे म्हणाले, कोरोनाच्या तिसर्‍या संभाव्य लाटेत लहान मुलांमध्येही मोठ्या प्रमाणावर कोरोनाचा संसर्ग आढळण्याची शक्यता वैद्यकीय तज्ञांनी बोलून दाखवली आहे. याविषयी प्रशासनाने पूर्व नियोजन करून ठेवावे.
महाविकास आघाडीने शेतकर्‍यांची वीज तोडली, त्याविषयी जनतेमध्ये असंतोष होता. पंढरपुरात आम्हाला विठ्ठलाचा आशीर्वाद मिळाला. हा विजय विठ्ठलाच्या चरणी अर्पण करतो. आज आमची शासनासमवेत लढाई नाही. कोरोनाच्या लढाईत आम्ही शासनासमवेत आहोत.
येथे उपायुक्त डॉ. बाबासाहेब राजळे यांच्या नियंत्रणाखाली ६ जणांचे पथक कार्यरत आहे. येथून सकाळी ७ ते ११ या वेळेत महानगरपालिका आणि खासगी अशा सर्व कोविड रुग्णालयीन सुविधेतील ऑक्सिजनच्या साठ्याचा प्रति ३ घंट्यांनी आढावा घेतला जात आहे.
राष्ट्रवादी काँग्रेसचे दिवंगत आमदार भारत भालके यांच्या निधनाने येथील विधानसभेची जागा रिक्त झाली होती. त्यामुळे घेतलेल्या पोटनिवडणुकीत राष्ट्रवादी काँग्रेसचे भगीरथ भालके यांचा पराभव करत भाजपचे समाधान अवताडे ३ सहस्र ५०३ मतांनी विजयी झाले.
महाराष्ट्र दिनाच्या दिवशी राज्यातील २६ जिल्ह्यांतील १३२ लसीकरण केंद्रांवर १८ ते ४४ वर्षे वयोगटातील लसीकरणाला प्रारंभ झाला. १ मे या दिवशी सायंकाळी ६ वाजेपर्यंत ११ सहस्र ४९२ नागरिकांना कोरोनाची लस देण्यात आली.
न्यायालयाने केंद्र सरकारला फटकारतांना म्हटले की, आम्ही केंद्र सरकारला निर्देश देतो की, त्यांनी काहीही करून देहलीला आजच्या आज ४९० मेट्रिक टन ऑक्सिजन पुरवावा. त्यासाठीचे टँकर पुरवण्याचे दायित्वही केंद्राचेच आहे.
बेळगाव लोकसभा पोटनिवडणुकीत भाजप उमेदवार श्रीमती मंगला अंगडी यांनी काँग्रेसचे उमेदवार सतीश जारकीहोळी यांच्यावर २ सहस्र ९०३ मतांनी विजयी मिळवला आहे. खासदार सुरेश अंगडी यांच्या निधनामुळे रिक्त झालेल्या या जागेसाठी १७ एप्रिलला मतदान झाले होते.