गुरु पाठीशी असता कसलीच चिंता नाही ! – पंडित धीरेंद्र शास्त्री, बागेश्वर धाम सरकार

झुरखेडा (जळगाव) येथे आयोजित बागेश्वर धाम सरकारच्या श्री हनुमान कथेला आरंभ !

झुरखेडा (ता. धरणगाव, जिल्हा जळगाव) – आयुष्यात गुरु असणे महत्त्वाचे आहे. गुरूंचा हात पाठीशी असला, तर कसलीच चिंता करण्याची आवश्यकता नाही. गुरूंचे जीवनात पुष्कळ महत्त्व आहे, असे मार्गदर्शन बागेश्वर धाम सरकारचे पंडित धीरेंद्र शास्त्री यांनी हनुमान कथेच्या पहिल्या दिवशी केले. जळगाव जिल्ह्यातील झुरखेडा (ता. धरणगाव) येथे या ५ दिवसांच्या कथेचे आयोजन करण्यात आलेले आहे. प्रथम दिवशीच सहस्रो भक्त कथा ऐकण्यासाठी येथे आलेले होते.

जातीभेद विसरून हिंदूंना जोडण्याचे पंडितजींचे कार्य वंदनीय ! – गुलाबराव पाटील, पाणीपुरवठामंत्री, महाराष्ट्र

लहान मुलांपासून महिला, युवा आणि सर्वांना हिंदु धर्माचे मार्गदर्शन करणे, जातीभेद विसरून हिंदूंना एकत्र जोडणे, तसेच हिंदु राष्ट्रासाठी हिंदूंना जागृत करणे, हे पंडित धीरेंद्र शास्त्री यांचे कार्य वंदनीय आहे. याची आज नितांत आवश्यकता आहे.