‘सूक्ष्मातील युद्ध जिंकण्यासाठी यज्ञयागच करावे लागतात. त्यासाठी स्थुलातील अणूबाँबसारख्या विध्वंसक शस्त्रांचाही उपयोग होत नाही; म्हणून पूर्वीच्या युगांमध्येही युद्धाप्रमाणे इतर संकटाच्या निवारणासाठी ऋषिमुनी यज्ञयागच करायचे.’

संतांना सूक्ष्मातून मिळणारे ज्ञान, हे सर्वांगांनी परिपूर्ण असते. त्यामध्ये काहीच पालट होत नाही. त्यामध्ये संशोधन करण्यासाठी वेळ द्यावा लागत नाही. साधकांनी त्यासाठी केवळ गुरूंच्या मार्गदर्शनानुसार साधना करणे आवश्यक असते !

‘परात्पर गुरुदेव सर्वसामान्य मनुष्य असल्याप्रमाणे वागून ते सामान्य आहेत’, हे दर्शवण्याचा प्रयत्न करतात. ही त्यांची ‘अहंशून्य’ स्थिती आहे. अशा प्रकारे परात्पर गुरु डॉ. आठवले जेव्हा उन्मनी अवस्थेत असतात, तेव्हा ते भगवंत स्वरूप असतात आणि जेव्हा ते भक्त स्वरूप असतात, तेव्हा ते वेदना झाल्यावर ‘आई गं’ असे म्हणतात.