जिल्ह्यात ६ जुलै या दिवशी रात्रीपासून पडलेल्या मुसळधार पावसामुळे २ दिवस म्हणजे ८ जुलैपर्यंत सर्वत्र जलमय स्थिती झाली होती. त्यानंतर अधूनमधून पाऊस पडतच आहे; जिल्ह्यात १४ जुलै या दिवशी पुन्हा एकदा वादळी वार्‍यासह पडलेल्या पावसामुळे पूरस्थिती निर्माण झाली.

संपूर्ण जिल्हा ७ जुलैला अतीवृष्टीमुळे जलमय झाला होता. ८ जुलै या दिवशीही अतीवृष्टी झाली. त्यामुळे अनेक घरांतून, बाजारपेठांतून, शेती-बागायतीत पाणी शिरल्याने मोठ्या प्रमाणात हानी झाली आहे.