जैन बोर्डिंगच्या जागा विक्रीसाठी झालेला व्यवहार रहित करण्यासाठी बांधकाम व्यावसायिक आणि विश्वस्त या दोघांनीही न्यायालयात अर्ज प्रविष्ट केला आहे. ‘या याचिकेवर २ दिवसांत निर्णय घेऊन आम्हाला अंतिम ‘लीगल डीड’ची (कायदेशीर करारनामा) कागदपत्रे उपलब्ध करून द्यावीत, अन्यथा मुख्यमंत्री देवेंद्र फडणवीस यांच्या मुंबईतील निवासस्थानाबाहेर उपोषण करण्यात येईल’, अशी चेतावणी आचार्य गुप्तिनंदी महाराज यांनी पत्रकार परिषदेत दिली.