जे नाही ते प्राप्त करण्यासाठी; जे प्राप्त झालेले आहे, ते वर्धिष्णू होण्यासाठी; जे वर्धित झाले आहे त्याचे संरक्षण करण्यासाठी; जे वर्धित आणि संरक्षित असे संचित आहे, त्याचे समाजात सर्वत्र समप्रमाणात वितरित करण्यासाठी राजा आणि दंडसत्ता हवी.

व्यक्ती, समूह, समाज, गाव, नगर, राज्य, देश अशा सर्वांच्या कर्मांची गणना ईश्वराकडे असते आणि या गणनेप्रमाणे सर्वांना त्याची फळे भोगावी लागतात. याकरता प्रत्येक देशाने ईश्वराला स्मरून कार्य करावयास हवे.