पू. तावडेआजोबा हे वर्ष १९९७ पासून सनातनच्या मार्गदर्शनाखाली साधना करत होते. डिसेंबर २०११ मध्ये त्यांनी ६० टक्के आध्यात्मिक पातळी गाठली होती, तर १८ मे २०१९ या दिवशी त्यांनी संतपद गाठले. त्यांनी तन, मन आणि धन अर्पून गुरुसेवा केली.

वर्ष २०१७ ते वर्ष २०२१ या काळात पू. सदाशिव सामंतआजोबा हे देवद (पनवेल) येथील सनातनच्या आश्रमात वास्तव्यास होते. ९ ऑगस्ट २०१९ या दिवशी पू. सामंतआजोबा संतपदी विराजमान झाले होते. आश्रमात ते सनातनच्या सात्त्विक उत्पादनांशी संबंधित सेवा करत.