परात्पर गुरु डॉक्टरांच्या जन्मोत्सव सोहळ्यात ‘त्यांच्या चरणी वाहिलेली फुले म्हणजे साधकच आहेत. कलियुगातही सर्व साधक आनंदाने रहात आहेत’, असे मला वाटले. ‘पशू-पक्षी, सजीव आणि निर्जीव या सर्वांच्या कल्याणासाठी गुरुदेवांनी त्यांचे अवतारी कार्य प्रकट करायला चालू केले आहे’, असे मला वाटले.

१३.५.२०२० या दिवशी मी परात्पर गुरु डॉ. आठवले यांच्या ७८ व्या जन्मोत्सवानिमित्त आयोजित भावसत्संग ऐकत होते. त्या वेळी ‘मी पुष्कळ स्वार्थी आहे. मी काहीही समष्टी साधना करत नाही. गुरुदेवांच्या कार्याचा प्रसार माझ्याकडून होत नाही’, असे माझ्या मनात विचार येत होते.