ओटावा (कॅनडा) – कॅनडातील हाऊस ऑफ कॉमन्‍सचे सदस्‍य आणि न्‍यू डेमोक्रॅटिक पार्टीचे (एन्.डी.पी.चे) नेते जगमीत सिंह यांनी कॅनडातील राष्‍ट्रीय स्‍वयंसेवक संघावर देशात बंदी घालण्‍याची मागणी केली आहे. सिंह हे कॅनडाचे पंतप्रधान जस्‍टिन ट्रुडो यांच्‍या जवळचे खासदार म्‍हणून ओळखले जातात. सिंह यांनी भारतीय मुत्‍सद्द्यांच्‍या हकालपट्टीच्‍या संदर्भात हे विधान जारी केले. जगमीत सिंग म्‍हणाले की, कॅनडातील शीख समुदायाला भारतीय अधिकार्‍यांकडून भीती, धमकावणे, छळवणूक आणि हिंसाचार यांचा सामना करावा लागत आहे. शिखांकडे खंडणीची मागणी केली जात आहे.
१. कॅनडामधील भारतीय दूतावासातील मुत्‍सद्द्यांच्‍या हकालपट्टीचे समर्थन केले. त्‍यासह कॅनडात कार्यरत असलेल्‍या राष्‍ट्रीय स्‍वयंसेवक संघावर बंदी घालण्‍याची मागणीही त्‍यांनी केली. कॅनडाच्‍या भूमीवर कुणी कॅनडाविरोधी कारवाया करत असेल, तर त्‍याच्‍यावर कॅनडा सरकारने कठोर कारवाई करणे आवश्‍यक आहे, असेही ते म्‍हणाले.
२. खलिस्‍तानवादी हरदीपसिंह निज्‍जर याच्‍या हत्‍येमागे भारतीय दूतावासातील अधिकार्‍यांचा हात होता, याविषयी कॅनडा सरकारकडे सबळ पुरावे आहेत, असेही सिंह म्‍हणाले.
३. जस्‍टिन ट्रुडो यांच्‍या पक्षाने एन्.डी.पी.च्‍या साहाय्‍याने सत्ता हस्‍तगत केली होती. मध्‍यंतरी सिंह यांनी कॅनडा सरकारचा पाठिंबा काढून घेतला होता; मात्र तरीही ट्रुडो आणि सिंह यांचे संबंध चांगले असल्‍याचे बोलले जाते. पुढील वर्षी होणार्‍या निवडणुकीत पुन्‍हा सत्ता मिळवण्‍यासाठी ट्रुडो यांना सिंह यांच्‍या एन्.डी.पी. पक्षाच्‍या पाठिंब्‍याची आवश्‍यकता लागू शकते. त्‍यामुळे सिंह यांच्‍या खलिस्‍तानी कारवायांना ट्रुडो नेहमीच खतपाणी घालत असल्‍याचे बोलले जात आहे.
संपादकीय भूमिका
|
भारताचा कॅनडाला दणका !
Canada’s vote bank politics : कॅनडाच्‍या ट्रुडो सरकारचे आरोप खलिस्तान्यांच्या मतपेढीने प्रेरित !
Delhi Banned Firecrackers : देहलीत दिवाळीपूर्वी फटाके आणि त्यांचे ऑनलाईन वितरण यांवर बंदी !
Pannun Threatens Canadian MP : खलिस्‍तानी आतंकवादी पन्नू याची कॅनडातील भारतीय वंशाचे खासदार चंद्रा आर्य यांना ठार मारण्याची धमकी
Israel Again Strikes Lebanon : इस्रायलने लेबनॉनवर केलेल्या हवाई आक्रमणात २१ जण ठार
‘सनबर्न’ला उत्तर गोव्यातही वाढता विरोध