या इमारतीचा राजनैतिक स्थायी दर्जा वर्ष २०१८ मध्ये संपुष्टात आला. आर्थिक संकटाचा सामना करणार्‍या पाकिस्तानने हा दूतावास विकण्याचा निर्णय घेतल्याचे मानले जात आहे.
‘राज्यपाल झाले भाज्यपाल’.., ‘महाराष्ट्राचे एकच म्हणणे द्या हाकलून हे बुजगावणे..’ अशा घोषणा देत महाविकास आघाडीच्या आमदारांनी विधानभवनाच्या पायर्‍यांवर राज्यपाल भगतसिंह कोश्यारी यांच्या विरोधात आंदोलन केले. या प्रसंगी विधान भवनाच्या पायर्‍यांवर २ बुजगावण्यांची हंडी फोडण्यात आली.
उपसभापती डॉ. नीलम गोर्‍हे, उपमुख्यमंत्री देवेंद्र फडणवीस, तसेच विरोधी पक्षनेते अंबादास दानवे यांनी निवृत्त होणार्‍या सदस्यांच्या संसदीय आणि सामाजिक कार्याचा गौरव केला.
प्रधानमंत्री नरेंद्र मोदी यांच्या सदैव प्रेरणास्रोत असलेल्या मातोश्री हिराबेनजी मोदी यांच्या निधनाने मोदीजींच्या जीवनात मोठी पोकळी निर्माण झाली असून त्यांचे जाणे सर्वांसाठी दुःखद आहे, अशा शब्दांत उपमुख्यमंत्री देवेंद्र फडणवीस यांनी ३० डिसेंबर या दिवशी हिराबांना श्रद्धांजली वाहिली.
मुख्य प्रशासकीय केंद्राच्या ठिकाणी बोगस मुलाखती चालणे, ही सरकारची नाचक्की !
परवाना रहित केलेल्या खत विक्रेता आस्थापनाचा परवाना परत पूर्ववत् केल्यावर त्याच्याकडून तोच गुन्हा परत होणार नाही, याची निश्चिती कोण देणार ?
धाराशीव येथे खड्ड्यांच्या कामात बोगस नावे दाखवून पैसे लाटणार्‍या १ कोटी १२ लाख रुपयाच्या घोटाळ्याचे पुनर्अन्वेषण करण्याची घोषणा रोजगार हमी योजनामंत्री संदीपान भुमरे यांनी विधानसभेत केली. आमदार कैलास घाडगे पाटील यांनी ३० डिसेंबर या दिवशी याविषयी तारांकित प्रश्न उपस्थित केला होता.
चालू वर्षात शबरी घरकुल योजनेच्या अंतर्गत ८५ सहस्र घरकुले संमत करण्यात आली आहेत. यासाठी अधिकाधिक अर्ज स्वीकारण्याची सूचना प्रकल्प अधिकार्‍यांना देण्यात आली आहे. या योजनेत अर्ज करणार्‍या सर्वांना घरे देण्यात येतील, असे आश्वासन आदिवासी विकासमंत्री डॉ. विजयकुमार गावित यांनी विधानसभेत दिले.
पंतप्रधान नरेंद्र मोदी यांच्या मातोश्री श्रीमती हिराबेन मोदी यांचे निधन झाल्याचे समजून दुःख झाले. त्याग, समर्पण आणि निष्काम कर्मयोगी जीवनाचा शतकाचा प्रवास आज संपला आहे. मातृवियोगाचे दुःख मोठे असून ते सहन करण्याची शक्ती पंतप्रधान महोदयांना मिळो.
पंतप्रधान नरेंद्र मोदी यांच्या जडणघडणीत अमूल्य वाटा असणार्‍या त्यांच्या मातोश्री श्रीमती हिराबेन मोदी यांचे निधन अत्यंत दुःखद आहे, अशी शोकभावना व्यक्त करून मुख्यमंत्री एकनाथ शिंदे यांनी श्रीमती हिराबेन मोदी यांना भावपूर्ण श्रद्धांजली अर्पण केली आहे.