नागपूर, ३० डिसेंबर (वार्ता.) – खत उत्पादक आस्थापने खतांची विक्री करतांना त्यासमवेत अन्य खते विकत घेण्याची वितरकांवर सक्ती करतात. त्यामुळे वितरकांकडूनही शेतकर्‍यांवर ही सक्ती केली जाते. हे रोखण्यासाठी खरेदीची सक्ती करणार्‍या खत उत्पादक आस्थापनांवर कारवाई करण्याची चेतावणी मंत्री शंभूराज देसाई यांनी सरकारच्या वतीने विधानसभेत दिली.
बुलढाणा शहरातील सागर कृषी केंद्रात डीएपी खतांची पिशवी घेतांना शेतकर्‍यांना वेगळी खते घेण्यासाठी सक्ती करण्यात आल्याची माहिती सभागृहात दिली.
या प्रकरणात ‘मे. सागर सिड्स ॲन्ड फर्टिलायझर’ या खत विक्रेत्याचा परवाना रहित करण्यात आला होता, तो पुन्हा पुर्ववत् करण्यात आला आहे. बोगस खतांमुळेही आत्महत्या होत आहेत. बोगस खते आणि बोगस किटकनाशके यांची एकाच वर्षात २-३ वेळा होत असल्यास याविषयी पडताळून करून निलंबनाची कारवाई केली जाईल, असे या वेळी शंभूराज देसाई यांनी विधानसभेत सांगितले.
संपादकीय भूमिकापरवाना रहित केलेल्या खत विक्रेता आस्थापनाचा परवाना परत पूर्ववत् केल्यावर त्याच्याकडून तोच गुन्हा परत होणार नाही, याची निश्चिती कोण देणार ? |
फर्मागुढी (गोवा) येथील आयआयटी संकुलात बाँब ठेवल्याचा खोटा संदेश
नोकरी घोटाळा प्रकरणी चौकशीसाठी निवृत्त न्यायमूर्तींच्या अध्यक्षतेखाली आयोग नेमा ! – काँग्रेस
पुणे येथील ‘सवाई गंधर्व भीमसेन महोत्सवा’साठी ध्वनीक्षेपकाची अनुमती
कोल्हापूर जिल्ह्यात गृह मतदानाला प्रारंभ !
पन्हाळा गडावर ‘एक दिवस छत्रपती शिवरायांच्या सान्निध्यात’ ही मोहीम शौर्यपूर्ण वातावरणात पार पडली !
वैकुंठचतुर्दशीच्या निमित्ताने कोल्हापूर येथील श्री महालक्ष्मीदेवीची करण्यात आलेली विशेष रूपातील पूजा !