मुख्यमंत्री एकनाथ शिंदे यांची हिराबेन मोदी यांना श्रद्धांजली !

नागपूर, ३० डिसेंबर (वार्ता.) – पंतप्रधान नरेंद्र मोदी यांच्या जडणघडणीत अमूल्य वाटा असणार्‍या त्यांच्या मातोश्री श्रीमती हिराबेन मोदी यांचे निधन अत्यंत दुःखद आहे, अशी शोकभावना व्यक्त करून मुख्यमंत्री एकनाथ शिंदे यांनी श्रीमती हिराबेन मोदी यांना भावपूर्ण श्रद्धांजली अर्पण केली आहे.

प्रधानमंत्री नरेंद्र मोदी की मां हीराबेन मोदी के निधन पर महाराष्ट्र के मुख्यमंत्री एकनाथ शिंदे ने शोक व्यक्त किया। pic.twitter.com/T2hS9rIfas

— ANI_HindiNews (@AHindinews) December 30, 2022

‘श्रीमती हिराबेन यांच्यासारख्या धर्मानुरागी आणि सात्त्विक व्यक्तिमत्त्वाचे निधन ही समाजाची हानी आहे. नियतीचक्रामुळे आज श्रीमती मोदी यांची इहलोकीची यात्रा संपली. ही गोष्ट पुत्र म्हणून पंतप्रधान मोदी यांच्यासाठी एक आघात आहे. आईचा वियोग ही दुःखाची परिसीमा असते. पंतप्रधान मोदी यांना हे दुःख सहन करण्याचे बळ मिळो, हीच ईश्वर चरणी प्रार्थना. मातृतुल्य श्रीमती हिराबेन मोदी यांना भावपूर्ण श्रद्धांजली !’ अशी शोकभावनाही मुख्यमंत्री शिंदे यांनी व्यक्त केली आहे.