Mahakumbh 2025 : कुंभमेळ्यात हिंदु राष्ट्राच्या राज्यघटनेचे प्रारूप घोषित !

प्रयागराज, २४ जानेवारी (वार्ता.) –  महाकुंभमेळ्यामध्ये आलेल्या अनेक संतांनी भारताला हिंदु राष्ट्र घोषित करण्याची मागणी सार्वजनिकरित्या केली आहे. महाकुंभमेळ्यात भारताला हिंदु राष्ट्र घोषित करण्याची मागणी जोर धरत असतांना जगद्गुरु आदि शंकराचार्य यांचे मूळ पीठ असलेल्या शांभवी सेना पीठाने भावी हिंदु राष्ट्राच्या राज्यघटनेचे प्रारूप घोषित केले आहे. २४ जानेवारी या दिवशी शांभवी सेना पीठाधीश्‍वर आणि सशस्त्र काली सेनेचे अध्यक्ष स्वामी आनंद स्वरूप महाराज यांनी पत्रकार परिषद घेऊन याविषयीची घोषणा केली.

Shambhavi Peethadheeshwar and President of the Kali Sena, Swami Anand Swaroop Maharaj @kalisenachief announces a draft version of the Constitution of the Hindu Rashtra at the #MahaKumbh2025

After 1976, the Constitution was amended, and the word ‘secular’ was added to… pic.twitter.com/zoBH9teoQ3

— Sanatan Prabhat (@SanatanPrabhat) January 24, 2025

पत्रकार परिषदेत याविषयीची माहिती देतांना स्वामी आनंद स्वरूप महाराज म्हणाले,

१. भारताची एकता आणि अखंडता यांसाठी भारताला हिंदु राष्ट्र घोषित करणे आवश्यक झाले आहे. त्यासाठी हे प्रारूप धर्माचार्य, विद्वान, न्यायाधीश आणि अधिवक्ता यांच्या माध्यामातून सिद्ध करण्यात आले आहे.

२. हिंदु राष्ट्रात धर्मशास्त्राला अनुसरून शासनव्यवस्था असेल. कोणते अधिकार कुणाकडे असणार ? या विषयी विस्तृत माहिती या प्रारूपात लिहण्यात आली आहे.

३. वर्ष १९७६ नंतर राज्यघटनेत पालट करून ‘धर्मनिरपेक्ष’ हा शब्द जोडून भारताच्या संस्कृतीवर घाला घालण्यात आला. बहुसंख्य हिंदु असणार्‍या भारतातील हिंदु धर्माला संपवण्यासाठी हे षड्यंत्र रचण्यात आले.

४. फाळणी झाली त्यावेळी मुसलमानांसाठी पाकिस्तान निर्माण झाला, तेव्हाच हिंदूंसाठी हिंदु राष्ट्र घोषित करणे आवश्यक होते.