‘नुकताच प्रयागराज येथील महाकुंभमेळा झाला. गेल्या काही महत्त्वाच्या कुंभमेळ्यानंतर जागतिक आणि राष्ट्रीय पातळीवर काही मोठे पालट झाले आहेत.

कुंभमेळ्यात साधू संत आणि आखाडे यांच्याद्वारे केले जाणारे शाहीस्नान (अमृतस्नान), हे कुंभमेळ्यातील सर्वात महत्त्वपूर्ण अनुष्ठानांपैकी एक आहे. आता याचे नाव पालटून ‘अमृतस्नान’ करण्यात आले आहे.

हिंदु धर्मामध्ये धर्मग्रंथ हे केवळ पवित्र ग्रंथ नाहीत, तर ते जीवनाविषयीचे मार्गदर्शन, आत्म्याची शुद्धी आणि मोक्षप्राप्ती यांचे साधन आहेत. सनातन धर्मातील सर्वांत भव्य असलेला कुंभमेळा हा या ग्रंथातील शिकवणीचे सार आणि सजीव उत्सव आहे.

महाकुंभमेळा हे केवळ धार्मिक आयोजन नाही, तर दिव्य वैज्ञानिक भक्ती आणि अतीउच्च कोटीच्या साधनेचा महासंगम आहे, ज्या ठिकाणी व्यक्तीच नव्हे, तर चराचर आपल्या आतील सत्य शोधण्याचा प्रयत्न करतात.