Students Thrashed Drunk Teacher : वर्गात दारू पिऊन येऊन मुलांना शिवीगाळ करणार्‍या शिक्षकाला मुलांनी चपलांनी चोपले !

बस्तर (छत्तीसगड) : एक शिक्षक प्रतिदिन शाळेत येऊन मुलांना शिकवण्याऐवजी दारू पिऊन येऊन वर्गात भूमीवर झोपत असे. त्या वेळी विद्यार्थ्यांनी त्याला तास घेण्यासाठी सांगितल्यावर तो मुलांना घाणेरड्या शिव्या देत असे. त्यामुळे संतप्त झालेल्या मुलांनी शिक्षकाला चपलांनी मारून पळवून लावल्याची घटना येथे घडली.

या घटनेचा व्हिडिओ सामाजिक माध्यमातून प्रसारित झाला आहे. पल्लवीभट या गावातील शाळेत ही घटना घडली. या घटनेयाविषयी चौकशी करण्यात यावी, असा आदेश बस्तरचे जिल्हाधिकारी के. विजय दयाराम यांनी गटशिक्षण अधिकार्‍यांना दिला आहे. या चौकशीचा अहवाल आल्यानंतर पुढील कारवाई करण्यात येईल, असेही जिल्हाधिकारी के. विजय दयाराम यांनी सांगितले.