रामनाथी, गोवा येथील सनातनच्या आश्रमात भावपूर्ण वातावरणात गुढीपूजन !

रामनाथी (गोवा) – हिंदु नववर्षारंभाच्या निमित्ताने म्हणजे गुढीपाडव्याच्या निमित्ताने येथील सनातनच्या आश्रमात ३० मार्च या दिवशी गुढीपूजन करून नववर्षाचे स्वागत करण्यात आले.

सूर्याेदयाच्या वेळी मंगलमय वातावरणात विधीवत् गुढीपूजनानंतर पंचांगस्थ गणपतिपूजन आणि नूतन संवत्सर फलश्रवण (नवीन वर्ष कसे असेल ? याच्या ज्योतिषशास्त्रदृष्ट्या माहितीचे श्रवण) करण्यात आले. गुढीचे पूजन सनातन पुरोहित पाठशाळेतील पुरोहित श्री. सिद्धेश करंदीकर यांनी केले. या वेळी ‘हे ब्रह्मदेवा, तुम्हीच आम्हा सर्व साधकांना साधना करण्यासाठी आणि हिंदु राष्ट्राची स्थापना करण्यासाठी शक्ती, बुद्धी, चैतन्य अन् आध्यात्मिक बळ द्यावे’, अशी प्रार्थना करण्यात आली.