भाजप महिला आघाडीच्या पदाधिकार्‍यांसाठी सोशल मीडिया प्रशिक्षण शिबिर

सांगली, १६ डिसेंबर (वार्ता.) – भाजपा महिला मोर्चा सांगली जिल्ह्याच्या वतीने जिल्हाध्यक्षा (सौ.) स्वाती शिंदे यांनी भाजप आमदार श्री. सुधीर गाडगीळ यांच्या कार्यालयात महिला आघाडीच्या पदाधिकार्‍यांसाठी सोशल मीडिया प्रशिक्षण शिबिर आयोजित केले होते. या वेळी सोशल मीडियाचा वापर प्रभावी पद्धतीने कसा करावा ?, आपले काम समाजापर्यंत कसे पोचवावे ? समाजामध्ये घडणार्‍या गोष्टींचे ज्ञान आपण कसे करून घ्यायचे ?, पक्षाची ध्येयधोरणे लोकांपर्यंत कशी पोचवावीत ?, याचे प्रशिक्षण दिशा दुगानी यांनी अत्यंत सोप्या शब्दांत दिले. या वेळी भाजप प्रसिद्धीप्रमुख श्री. केदार खाडिलकर आणि श्री. संकेत कुलकर्णी यांनीही मार्गदर्शन केले. या प्रसंगी नगरसेविका सविता मदने, गीतांजली ढोपे-पाटील, उर्मिला बेलवलकर, अप्सरा वायदंडे, लक्ष्मी सरगर यांच्यासह महिला मोर्चाच्या पदाधिकारी उपस्थित होत्या.