देहाने प्रपंच केला; पण तो फळाला येत नाही; म्हणून संतांनी नामस्मरणाचा मार्ग सांगितला; पण आमचे शहाणपण आणि आमचा अभिमान हा नाम घेण्याच्या आड येतो, त्याला काय करावे ?

सद्गुरूंच्या बाबतीत ‘शाब्दे परे च निष्णातम् ।’ (श्रीमद्भागवत, स्कन्ध ११, अध्याय ३, श्लोक २१) म्हणजे ‘शब्दज्ञानी आणि ब्रह्मानुभवी असे गुरु’ अशी बिरुदावली लावण्यात येते.

‘जे कंस आणि रावण यासारख्यांच्या संहाराचे मोठे निमित्त घेऊन येतात आणि दुष्टांचे दमन करत जगाला योग्य मार्ग दाखवतात, त्यांना म्हणतात, नैमित्तिक अवतार ! जेव्हा जेव्हा धर्माची हानी होते आणि अधर्म जोर पकडतो (माजतो) तेव्हा तेव्हा भगवंताच्या शक्तीचे, चेतनेचे अवतरण होते.