कर्नाटक उच्‍च न्‍यायालयाच्‍या धारवाड खंडपिठातील घटना
कोप्‍पळ (कर्नाटक) – घटस्‍फोटासाठी न्‍यायालयात गेलेल्‍या दांपत्‍याला कर्नाटक उच्‍च न्‍यायालयाच्‍या धारवाड खंडपिठाचे न्‍यायमूर्ती श्रीकृष्‍ण दीक्षित यांनी गविसिद्धेश्‍वर स्‍वामीजी यांच्‍या मध्‍यस्‍थीने समस्‍या सोडवून एकत्र जीवन जगण्‍याचा सल्ला दिला.
१. गदग जिल्‍ह्यातील एका दांपत्‍याने ४ वर्षांपूर्वी धारवाड उच्‍च न्‍यायालयात घटस्‍फोटासाठी याचिका प्रविष्‍ट (दाखल) केली होती. १७ सप्‍टेंबर या दिवशी यावर सुनावणी करतांना न्‍यायमूर्ती श्रीकृष्‍ण दीक्षित यांनी सांगितले की, पती-पत्नींमध्‍ये समस्‍या असणे नैसर्गिक आहे. त्‍याआधारे वेगळे होणे योग्‍य नाही. जर मानसिक समस्‍या असतील, तर मानसोपचारतज्ञांकडे जाऊन उपचार घ्‍यावेत.
२. त्‍यावर दांपत्‍याने ‘आधीच मानसोपचारतज्ञांकडे गेलो आहोत’, असे सांगितले. तेव्‍हा न्‍यायमूर्तींनी म्‍हणाले की, मग मठाधिशांकडे जा.
३. पतीने गदगच्‍या तोण्‍टदार्य मठाच्‍या स्‍वामीजींकडे जाण्‍याची इच्‍छा व्‍यक्‍त केली; परंतु पत्नीने याला सहमती दिली नाही. न्‍यायमूर्तींनी पत्नीला विचारले, ‘मग कोणत्‍या स्‍वामीजींकडे जाल? हे तुम्‍हीच सांगा.’ त्‍यावर पत्नीने ‘आम्‍ही कोप्‍पळच्‍या गविसिद्धेश्‍वर स्‍वामीजींकडे जाऊ’ असे सांगितले. त्‍यावर न्‍यायमूर्ती म्‍हणाले, ‘छान आहे, गविसिद्धेश्‍वर स्‍वामीजी विवेकानंदांसारखे आहेत. मी त्‍यांचे प्रवचन ऐकले आहे. तुम्‍ही त्‍यांच्‍याकडेच जा.’
४. न्‍यायमूर्तींच्‍या आदेशानुसार पती-पत्नी दोघे सप्‍टेंबरच्‍या शेवटपर्यंत कोप्‍पळच्‍या गविसिद्धेश्‍वर मठात जाणार आहेत. गविमठाच्‍या परंपरेत हे पहिले असे विशेष प्रकरण आहे.
Sadguru Jaggi Vasudev : हिंदूंची मंदिरे आता भक्तांनीच चालवायला हवीत ! – सद़्गुरु जग्गी वासुदेव
Nandini Ghee In Karnataka Temples : कर्नाटकातील सर्व मंदिरांमध्ये ‘नंदिनी तुपा’चा वापर अनिवार्य !
शिमला : अवैध संजौली मशिदीच्या विरोधात झालेले ऐतिहासिक राज्यव्यापी आंदोलन अराजकीय !
Raj Thackeray Warns Theater Owners : कुठल्याही परिस्थितीत पाकिस्तानी अभिनेत्याचा चित्रपट महाराष्ट्रात प्रदर्शित होऊ देणार नाही ! – राज ठाकरे, अध्यक्ष, मनसे
Illegal mosques : हिमाचल प्रदेशात कोरोना महामारीच्या आधी ३९३ मशिदी : आज संख्या ५५० च्या पुढे !
देशातील सर्व मंदिरांमधील प्रसादाची उच्चस्तरीय पडताळणी करावी ! – ऑल फूड अँड ड्रग लायसन्स होल्डर फेडरेशन