दत्ताच्या हातात असणार्‍या कमंडलूची सूक्ष्मातील वैशिष्ट्ये

१. इतर भांड्यांपेक्षा कमंडलू अधिक सात्त्विक आहे. तो सात्त्विक धातूपासून बनवण्यात येत असून त्याचा आकारही सात्त्विक आहे.

२. कमंडलूतील पाणी संत तीर्थ म्हणून देतात. वाईट शक्तींपासून रक्षण होण्यासाठीही यातील तीर्थाचा वापर होतो. दत्ताच्या हातातील कमंडलूमध्ये वेगवेगळ्या मंत्रांची शक्ती आकृष्ट झाली आहे.

३. कमंडलूमध्ये तीर्थ असल्यामुळे देवतातत्त्वाचे चक्राकार वलय कमंडलूमध्ये निर्माण होऊन ते कार्यरत होते.

४. पूर्वजांचे त्रास दूर करण्यासाठी कमंडलूतून मारक शक्तीचे कण प्रक्षेपित होत आहेत.

– (पू.) सौ. योया सिरीयाक वाले, युरोप, एस्.एस्.आर्.एफ्. (१३.९.२०११)