जबलपूर (मध्यप्रदेश) येथे महंमद पैगंबर यांचा जन्मदिन साजरा करतांना धर्मांधांकडून पोलिसांवर आक्रमण

जबलपूर (मध्यप्रदेश) – महंमद पैगंबर यांच्या जन्मदिनानिमित्त ‘मिलाद-उन-नबी’ सण साजरा करण्यासाठी येथील संवेदनशील समजल्या जाणार्‍या मच्छी बाजारात कार्यक्रमाचे आयोजन करण्यात आले होते. या वेळी उपस्थितांना निर्धारित मार्गाने जाण्यासाठी पोलीस विनंती करत होते; मात्र अचानक पोलिसांवर दगडफेक चालू करण्यात आली. तसेच पेटते फटाकेही फेकण्यात आले. यामुळे पोलिसांनी उपस्थित धर्मांधांवर लाठीमार केला आणि नंतर अश्रूधुराच्या नळकांड्या फोडून त्यांना पांगवले, अशी माहिती जबलपूरचे जिल्हा पोलीस अधीक्षक सिद्धार्थ बहुगुणा यांनी दिली.

When requested by the police to follow the pre-determined route, the group refused to budge and got into a scuffle with police personnelhttps://t.co/pQUWzVNNm4

— OpIndia.com (@OpIndia_com) October 20, 2021

जिल्हाधिकारी कर्मवीर शर्मा यांनी पत्रकारांना दिलेल्या माहितीनुसार, पोलिसांवर पेटते फटाके आणि दगड फेकणार्‍या लोकांची ओळख पटवण्यात यश आले आहे. अशांच्या विरोधात कठोर कारवाई केली जाईल.