आतंकवादी संघटनांसाठी काम करणारे काश्मीर प्रशासनातील ११ कर्मचारी बडतर्फ !

हिजबुल मुजाहिदीनचा म्होरक्या सय्यद सलाहुदीनच्या दोन मुलांचाही समावेश !
कुपवाडा येथील १ कर्मचारी लष्कर-ए-तोयबाचा आतंकवादी असल्याचे उघड !
आतंकवाद्यांना सुरक्षादलांच्या हालचालींची दिली जात होती माहिती, तसेच आतंकवाद्यांना दिला जात होता आश्रय !

इतकी वर्षे आतंकवादी हे प्रशासनात काम करत असल्याचे कुणाच्याच लक्षात कसे आले नाही ? कि येऊनही त्याकडे दुर्लक्ष केले गेले ? असे होणारा भारत हा जगातील एकमेव देश होय ! हे आतापर्यंतच्या शासनकर्त्यांना लज्जास्पद !

यावरून आतंकवाद्यांनी काश्मीर किती पोखरले आहे, हेच स्पष्ट होते ! त्यामुळे केंद्र सरकारने आतातरी प्रत्येक सरकारी कर्मचार्‍याची पार्श्‍वभूमी तपासून त्यानुसार त्यातील दोषींनाही बडतर्फ करावे, असेच जनतेला वाटते !

जेथे बहुतांश काळ राज्य करणार्‍या धर्मांध राज्यकर्त्यांकडून देशद्रोह आणि आतंकवाद यांना राजाश्रय दिला गेला, तेथील प्रशासनात आतंकवादी निपजतात, यात आश्‍चर्य ते काय ? ही स्थिती पालटण्यासाठी हिंदु राष्ट्रच हवे !

काश्मीरमधील स्थिती सुधारण्यासाठी कलम ३७० रहित करण्याचा घटनात्मक मार्ग अवलंबण्यात आला, परंतु आता त्याही पुढे जाऊन आतंकवाद्यांविरुद्ध धडक सैनिकी कारवाई करण्याचा मार्ग अवलंबणे अत्यावश्यक !

श्रीनगर – आतंकवादी संघटनांसाठी काम करणार्‍या काश्मीर प्रशासनातील ११ कर्मचार्‍यांना बडतर्फ करण्यात आले आहे. यामध्ये हिजबुल मुजाहिदीन या जिहादी आतंकवादी संघटनेचा म्होरक्या सय्यद सलाहुदीन याच्या दोन मुलांचा समावेश आहे. बडतर्फ करण्यात आलेले हे कर्मचारी जम्मू-काश्मीर पोलीस, शिक्षण, कृषी, कौशल्य विकास, ऊर्जा आणि आरोग्य या खात्यांतील कर्मचारी आहेत. घटनेच्या अनुच्छेद ३११ नुसार त्यांना बडतर्फ करण्यात आले आहे. या कारवाईच्या विरोधात त्यांच्याकडे उच्च न्यायालयात दाद मागण्याचा पर्याय आहे.

J&K: 11 govt employees, including sons of terror org Hizbul Mujahideen chief Syed Salahuddin fired in terror funding case https://t.co/1LsTDBNly2

— OpIndia.com (@OpIndia_com) July 11, 2021

१. राष्ट्रीय अन्वेषण यंत्रणेने केलेल्या अन्वेषणात सलाहुद्दीन याची दोन मुले सय्यद अहमद शकील आणि शाहीद युसुफ हे आतंकवादाला आर्थिक साहाय्य करत असल्याचे सिद्ध झाले. पैशांची व्यवस्था करणे, पैसे स्वीकारणे आणि हवालाच्या माध्यमातून ते पैसे हिजबुल मुजाहिदीनकडे आतंकवादी कारवायांसाठी हस्तांतरित करणे, यामध्ये या दोघांचा सहभाग असल्याचे स्पष्ट झाले, असे अधिकार्‍यांनी सांगितले.

२. या ११ कर्मचार्‍यांपैकी कुपवाडा येथील औद्योगिक प्रशिक्षण संस्थेत काम करणारा १ कर्मचारी हा लष्कर-ए-तोयबा या जिहादी आतंकवादी संघटनेत असल्याचेही आढळून आले. आतंकवाद्यांना सुरक्षा दलांच्या हालचालींची माहिती देणे, तसेच आतंकवाद्यांना आश्रय देणे, ही कामे तो करत होता.

३. यासह अनंतनाग जिल्ह्यातील २ शिक्षक देशविरोधी कारवायांमध्ये सहभागी असल्याचेही आढळून आले.