छत्रपती संभाजीराजे यांनी केंद्रीय पुरातत्व विभागाच्या महासंचालिका विद्यावती यांची देहली येथील पुरातत्व विभागाच्या मुख्यालयात भेट घेतली. राज्यातील पन्हाळगड, विजयदुर्ग अशा महत्त्वाच्या गडांवर वारंवार तटबंदी कोसळणे, बुरुज ढासळणे असे प्रकार होत आहेत. रायगडावरही वीज व्यवस्था, ‘रोप-वे’ यांसह अन्य काही अडचणी आहेत.

गोवंडीमधील शिवाजीनगर परिसरातील एकाच घरात ४ जणांचे मृतदेह आढळले आहेत. यामध्ये शकील खान, रजिया या पती-पत्नी यांसह २ अल्पवयीन मुलांचा मृतांमध्ये समावेश आहे.

अंधेरी पश्चिम भागातील चित्रकूट मैदान येथे उभारलेल्या चित्रपटाच्या सेटला २९ जुलै या दिवशी भीषण आग लागली. अग्नीशमनदलाच्या १० गाड्यांनी आग विझवली.  सेटचे काम चालू असल्याने अनेक कामगार आत अडकल्याचा अंदाज आहे.