‘पूर्वी ‘गुरुदेव माझ्या हृदयात आहेत’, याची अनुभूती मला येत होती; परंतु या वर्षीपासून हृदयात प्रकर्षाने रामनाथी आश्रमाचे अस्तित्व जाणवते. हृदयातील या आश्रमात प.पू. भक्तराज महाराज (प.पू. बाबा) रहातात आणि परात्पर गुरु डॉक्टर त्यांची सेवा करतात, असे मला दिसते.

१३.६.२०२० या दिवशी मी ध्यानमंदिरात गेल्यावर तेथील प.पू. भक्तराज महाराज यांच्या छायाचित्रातील प.पू. बाबांच्या सदर्‍याच्या उजव्या बाहीचा भाग, त्यांच्या डोक्याभोवतीची प्रभावळ आणि आसंदीवर टेकलेल्या त्यांच्या डाव्या हाताच्या सदर्‍याच्या बाहीचा भाग, या ठिकाणी ही छटा अधिक गडद दिसते. हे पाहून माझी भावजागृती झाली.

मी डोळे उघल्यावर ‘ते माझ्याकडे पहात आहेत’, असे दिसले. मला त्यांचे चरण दिसले. तेव्हा मी त्यांना म्हणाले, ‘बाबा, तुमच्या अनंत कृपेमुळे आज आम्हा सर्व साधकांना परात्पर गुरुदेव लाभले आणि त्यांच्या अनंत कृपेमुळे आम्हाला तुमची अलौकिक भजने ऐकायला मिळाली.’ असे म्हणून मी कृतज्ञता व्यक्त करत असतांना ते माझ्याकडे पाहून हसले.