गोवा आणि कर्नाटक राज्यांमध्ये म्हादई जलवाटप तंटा चालू आहे. कर्नाटकने म्हादई नदीचे पाणी अनधिकृतपणे मलप्रभा नदीत वळवल्याचा आरोप आहे. म्हादई जलवाटप तंट्याविषयी म्हादई लवादाने दिलेल्या निर्णयाला दोन्ही राज्यांनी सर्वोच्च न्यायालयात आव्हान दिले आहे.

राज्यातील संचारबंदी आणखी एक आठवडा; म्हणजेच २८ जून या दिवशी सकाळी ७ वाजेपर्यंत वाढवण्यात आली आहे. मुख्यमंत्री डॉ. प्रमोद सावंत यांनी ट्वीट करून ही घोषणा केली. राज्यात ९ मेपासून संचारबंदी लागू आहे आणि तिच्या कालावधीत आता तिसर्‍यांदा वाढ करण्यात आली आहे.

‘इंटरनॅशनल फादर्स डे’च्या निमित्ताने ‘नोट’ आणि ‘कंझ्यूमर वॉइस्’ या संघटनांनी गोव्यात तंबाखू नियंत्रण कायद्याचे कठोरतेने पालन करण्याची मागणी गोवा सरकारकडे केली आहे.