सांगली येथे ‘हिंदु न्याय यात्रा’ आंदोलन !

सांगली, १३ डिसेंबर (वार्ता.) – १० डिसेंबर या दिवशी सकल हिंदु समाजाच्या वतीने सांगली येथील तहसीलदार कार्यालयावर हिंदुत्वनिष्ठांनी बांगलादेशी ‘हिंदु न्याय यात्रा’ काढत निदर्शने केली. या वेळी नायब तहसीलदार श्री. मनोहर पाटील यांना आमदार श्री. सुधीर गाडगीळ यांच्या नेतृत्वाखाली सकल हिंदु समाजाच्या वतीने निवेदन देण्यात आले. जिल्ह्यातील तासगाव, ईश्वरपूर, विटा, सांगली शहर, जत, कवठेमहकांळ या ठिकाणी तहसील कार्यालयांत निवेदन देण्यात आले.

आंदोलनात श्री. गणेश गाडगीळ, सांगली इस्कॉनचे अध्यक्ष श्रीमान मत्स्य अवतार दास, इस्कॉन उपाध्यक्ष श्री शुभानंद दास, राधा निल माधव दास, श्री. किरण कुलकर्णी, भाजपाचे जेष्ठ पदाधिकारी श्री. प्रकाश तात्या बिर्जे, हिंदु एकता आंदोलनाचे सांगली जिल्हाध्यक्ष श्री. विष्णुपंत पाटील, उपाध्यक्ष श्री. विजय टोने, विनायक एडके, शिवसेना शिंदे गटाचे श्री. उमाकांत कार्वेकर, भाजप, शिवसेना आणि हिंदुत्वनिष्ठ संघटनांचे पदाधिकारी, कार्यकर्ते बहुसंख्येने उपस्थित होते.