सनातन प्रभात > Post Type > बातम्या > राष्ट्रीय बातम्या > Telangana Durga Idol Vandalized : भाग्‍यनगर (तेलंगाणा) येथील दुर्गापूजा मंडपातील श्री दुर्गादेवीच्‍या मूर्तीची अज्ञातांकडून तोडफोड

Telangana Durga Idol Vandalized : भाग्‍यनगर (तेलंगाणा) येथील दुर्गापूजा मंडपातील श्री दुर्गादेवीच्‍या मूर्तीची अज्ञातांकडून तोडफोड

दुर्गापूजा मंडपातील श्री दुर्गादेवीच्‍या मूर्तीची तोडफोड

भाग्‍यनगर (तेलंगाणा) – येथील नामपल्ली प्रदर्शन मैदानातील श्री दुर्गामातेच्‍या मूर्तीची अज्ञातांकडून तोडफोड करण्‍यात आली. घटनेची माहिती मिळताच बेगम बाजार पोलीस ठाण्‍याचे पोलीस घटनास्‍थळी आले आणि त्‍यांनी चौकशी चालू केली. स्‍थानिक हिंदूंमध्‍ये या घटनेविषयी संतापाचे वातावरण आहे.


(ही छायाचित्रे / व्हिडिओ देण्यामागे कुणाच्याही धार्मिक भावना दुखावण्याचा आमचा उद्देश नसून हिंदु विरोधकांनी केलेले विडंबन कळावे, या उद्देशाने हे प्रसिद्ध केले आहे. –  संपादक)

नामपल्ली एक्‍झिबिशन सोसायटी आणि कर्मचारी यांच्‍याकडून प्रतिवर्षी नवरात्रीमध्‍ये श्री दुर्गादेवीच्‍या मूर्तीची प्रतिष्‍ठापना केली जाते. देवीच्‍या दर्शनासाठी येथे मोठ्या संख्‍येने लोक येतात. १० ऑक्‍टोबरच्‍या रात्री येथे दांडिया कार्यक्रमाचे आयोजन करण्‍यात आले होते. दांडियाचा कार्यक्रम संपल्‍यानंतर काही वेळात प्रदर्शनाच्‍या मैदानात ही घटना घडली. पूजेच्‍या मंडपामध्‍ये घुसण्‍यापूर्वीच तोडफोड करणार्‍यांनी वीजपुरवठा खंडित करून तेथे लावलेल्‍या सीसीटीव्‍ही कॅमेर्‍यांचीही तोडफोड केली. त्‍यामुळे येथे या घटनेचे कोणतेही सीसीटीव्‍ही छायाचित्रण मिळालेले नाही.

संपादकीय भूमिका

  • हिंदूंच्‍या देवतांच्‍या मूर्तींची तोडफोड करणारे कोण असतात, हे जगजाहीर आहे. त्‍यामुळे अशांवर वचक बसवून हिंदु धर्म, देवता आदींचे रक्षण करण्‍यासाठी भारताला हिंदु राष्‍ट्र घोषित करण्‍याला पर्याय नाही !
  • तेलंगाणामध्‍ये काँग्रेसचे सरकार असल्‍यामुळे हिंदुद्वेष्‍ट्यांना मोकळे रान मिळाले आहे, हे लक्षात घ्‍या !

नूतन लेख