येथील सिंधुदुर्ग किल्ल्याजवळील समुद्रातील खडकाळ भागात २० डिसेंबर या दिवशी रात्री राजकोट (मालवण) येथील सुनील खंदारे यांची यांत्रिक मासेमारी नौका (ट्रॉलर) बुडाली.

गेल्या आठवड्यात तालुक्यात आलेला एक हत्ती येथील तिलारी खोर्‍यातील गावात मोठी हानी करत आहे. २० डिसेंबरच्या रात्री या हत्तीने तालुक्यातील हेवाळे गावातील सूर्यकांत देसाई यांच्या बागेतील झाड तोडले आणि श्रीपत देसाई यांच्या गोठ्यावर (गोठा म्हणजे गुरांना बांधण्याची जागा) टाकले.