सनातन प्रभात > Post Type > बातम्या > राष्ट्रीय बातम्या > हरियाणामध्ये शेतकरी आंदोलनाच्या ठिकाणी एका आंदोलकाला वैयक्तिक वादातून जिवंत जाळले !

हरियाणामध्ये शेतकरी आंदोलनाच्या ठिकाणी एका आंदोलकाला वैयक्तिक वादातून जिवंत जाळले !

बहादूरगड (हरियाणा) – येथे शेतकरी आंदोलनात सहभागी झालेल्या एका व्यक्तीला जिवंत जाळण्याच्या प्रकरणी पोलिसांनी कृष्ण नावाच्या मुख्य आरोपीला अटक केली आहे. कृष्ण त्याच्या सहकार्‍यांसमवेत अनेक दिवसांपासून या आंदोलनात सहभागी होता. त्याच्या ३ सहकार्‍यांसमवेत त्याने मुकेश नावाच्या व्यक्तीला जिवंत जाळले. मुकेश १६ जूनच्या सायंकाळी आंदोलनाच्या ठिकाणी त्याच्या ४ मित्रांसह दारू प्यायला. त्या वेळी त्यांच्यात वाद झाल्याने मुकेश याच्यावर इंधन टाकून त्याला जाळण्यात आले.

या घटनेच्या दुसर्‍या दिवशी मुकेशच्या नातेवाइकांनी आरोपींना अटक करण्यासाठी राष्ट्रीय महामार्ग बंद करत आंदोलन केले होते. यावेळी त्यांनी हानीभरपाई आणि सरकारी नोकरी यांची मागणीही केली.

नूतन लेख