भ्रष्टाचारग्रस्त भारत ! असे निर्ढावलेले अधिकारी असतील, तर भ्रष्टाचारमुक्त भारत कधीतरी होईल का ? अशांना तात्काळ कायद्यानुसार कठोर शिक्षा झाल्यासच अन्य कुणी अशी कृत्ये करणार नाहीत !
कुडाळ – कायदेशीर खरेदी केलेल्या भूमीच्या खरेदीखताची सातबारावर नोंद करण्यासाठी ४ सहस्र रुपयांची लाच स्वीकारतांना कसालचे मंडल अधिकारी संदीप पांडुरंग हांगे यांना सिंधुदुर्ग लाचलुचपत प्रतिबंधक विभागाच्या पथकाने रंगेहात पकडले.
या प्रकरणी मिळालेल्या माहितीनुसार ओरोस येथील एका भूधारकाने कायदेशीर खरेदी केलेल्या भूमीच्या खरेदीखताची सातबारावर नोंद करण्यासाठी अर्ज केला होता. हे काम करण्यासाठी कसालचे मंडळ अधिकारी हांगे यांनी ४ सहस्र रुपये मागितले होते. त्यामुळे भूधारकाने हांगे यांच्या विरोधात तक्रार केली होती. या तक्रारीनुसार १६ फेब्रुवारीला दुपारी साडेबारा वाजता लाचलुचपत प्रतिबंधक विभागाच्या पथकाने कसाल मंडळ कार्यालयाकडे सापळा रचला. त्या वेळी हांगे यांना तक्रारदार भूधारकाकडून ४ सहस्र रुपयांची लाच स्वीकारतांना पकडण्यात आले.
कोणताही शासकीय अधिकारी, कर्मचारी यांनी किंवा त्यांच्या वतीने खासगी व्यक्तीने त्यांचे कोणतेही शासकीय काम करून देण्यासाठी लाच मागत असल्यास लाचलुचपत प्रतिबंधक विभागाशी तात्काळ संपर्क साधावा, असे आवाहन करण्यात आले आहे.
पोलीस कर्मचारी आणि मुख्य आरोपी यांचा भ्रमणभाषवर संपर्क !
भ्रष्ट पोलीस धर्मांध आरोपींना पाठीशी घालत आहेत ! – हिंदु संघटनांचे गंभीर आरोप
‘डिस्काऊंट’च्या (सवलतीच्या) मोहात आरोग्याचा सौदा !
बंगाल बोध : घुसखोरांना साहाय्य हा देशद्रोह नव्हे का ?
प्रेमळ आणि इतरांना निरपेक्षतेने साहाय्य करणारे फोंडा (गोवा) येथील ६१ टक्के आध्यात्मिक पातळीचे श्री. आत्माराम जोशी (वय ८० वर्षे) !
तुळापूर (आळंदी) येथील ‘विश्वसंस्कृती’ इमारतीतील अनधिकृत ‘प्रोजेक्ट एक्स’ मेजवानीवर पोलिसांची धाड !