बीड जिल्हा रुग्णालयातील तत्कालीन जिल्हा शल्य चिकित्सकांचे निलंबन करणार ! – प्रकाश आबिटकर, सार्वजनिक आरोग्य मंत्री

मुंबई, २७ मार्च (वार्ता.) – कोरोना महामारीच्या काळात बीड जिल्हा रुग्णालयातील भ्रष्टाचार प्रकरणी तत्कालीन जिल्हा शल्य चिकित्सकांना तात्काळ निलंबित करण्यात येईल. पुढील ३ मासांत या प्रकरणाची सखोल चौकशी करून दोषींवर कठोर कारवाई करण्यात येईल, असे आश्वासन सार्वजनिक आरोग्य मंत्री प्रकाश आबिटकर यांनी २५ मार्च या दिवशी विधानसभेत लक्षवेधी सूचनेच्या उत्तरात दिले.

याविषयी भाजपच्या सदस्या नमिता मुंदडा यांनी लक्षवेधी सूचना मांडली होती. मंत्री आबिटकर म्हणाले की, कोरोनाच्या काळात झालेला भ्रष्टाचार हा अत्यंत गंभीर प्रकार आहे. दोषींना कोणतीही क्षमा केली जाणार नाही. या प्रकरणी सखोल चौकशीसाठी विशेष समितीची स्थापना करण्यात आली आहे.