परात्पर गुरु पांडे महाराज यांच्याशी सूक्ष्मातून बोलतांना त्यांनी ‘मी गुरुतत्त्वात विलीन झालो असल्याने तुम्ही माझे स्मरण करता, तेव्हा गुरुतत्त्व परात्पर गुरु डॉक्टरांच्या माध्यमातून साहाय्य करते’, असे साधिकेला सांगणे

‘२२.४.२०२२ या दिवशी मी देवद (पनवेल) येथील सनातनच्या आश्रमात परात्पर गुरु पांडे महाराज यांनी वास्तव्य केलेल्या खोलीत बसून नामजप करत होते. तेव्हा माझे परात्पर गुरु पांडे महाराज यांच्याशी सूक्ष्मातून झालेले संभाषण पुढे दिले आहे.

मी : बाबा (परात्पर गुरु पांडे महाराज), आम्हाला तुमची आठवण का येत नाही ? तुम्हाला कधी प्रार्थना केली, तर तुम्ही दिसत का नाही ?  तुम्हाला प्रार्थना करतांना आमच्याकडून परात्पर गुरु डॉ. आठवले यांनाच प्रार्थना होते. असे का ?

(त्या वेळी ‘परात्पर गुरु पांडे महाराज सत्यलोकात आहेत’, असे मला त्यांच्या आध्यात्मिक स्थितीवरून वाटले आणि ‘तशा आशयाचे उत्तर ऐकायला मिळेल’, असेही वाटले.)

परात्पर गुरु पांडे महाराज : मी गुरुतत्त्वात विलीन झालो आहे. त्यामुळे तुम्हाला माझे वेगळे अस्तित्व जाणवणार नाही. तुम्ही जेव्हा माझे स्मरण करता, तेव्हा गुरुतत्त्व परात्पर गुरु डॉ. आठवले यांच्या माध्यमातून तुमच्या साहाय्याला येते. ‘माझे स्मरण होते’, या तुमच्या भावना आहेत.

‘परात्पर गुरु डॉ. आठवले आणि परात्पर गुरु पांडे महाराज यांच्या कृपेनेच मी परात्पर गुरु पांडे महाराज यांच्याशी सूक्ष्मातून संवाद साधू शकले’, त्याबद्दल त्यांच्या चरणी

कोटीशः कृतज्ञता !’

– सौ. आनंदी रामचंद्र पांगुळ, सनातन आश्रम, देवद, पनवेल. (१७.५.२०२२)