कोल्हापूर – कोल्हापूर नदी प्रदूषणमुक्तीसाठी शिवसेनेचे खासदार धैर्यशील माने यांनी इचलकरंजी येथील ‘वेस्टर्न महाराष्ट्र प्रोसेस असोसिएशन’च्या पदाधिकार्यांशी चर्चा करून अडचणी समजावून घेतल्या. खासदार माने यांच्या रुईकर वसाहतीतील निवासस्थानी ही बैठक झाली. प्रोसेस युनिट असणार्या कारखानदारांनी ‘झिरो डिस्चार्ज’च्या दृष्टीने पाऊल उचलावे, म्हणजे पंचगंगा नदीत प्रोसेस युनिटच्या माध्यमातून जाणारे प्रदूषित पाणी पूर्णपणे थांबेल, असे आवाहन श्री. माने यांनी याप्रसंगी केले.
खासदारांच्या आवाहनाला सकारात्मक प्रतिसाद देत प्रोसेसर्स असोसिएशनने ‘सर्व प्रोसेस युनिटच्या झिरो डिस्चार्जच्या दृष्टीने कार्यवाही करू’, असे आश्वासन दिले. या वेळी मुख्यमंत्री श्री. उद्धव ठाकरे यांच्यासमवेत लवकरच असोसिएशनच्या पदाधिकार्यांची बैठक घेऊन या उद्योगधंद्याचे प्रश्न सोडवणार असल्याचे खासदार धैर्यशील माने यांनी सांगितले. या वेळी महाराष्ट्र असोसिएशनचे अध्यक्ष गिरीराज मोहता, लक्ष्मीकांत मर्दा, संदीप मोघे, संदीप साळगावकर, श्रीनिवास बोहरा, अजित डाके, विजय मोठे, राजेश सावंत यांच्यासह पदाधिकारी उपस्थित होते.
व्यक्तीला येणारा तणाव आणि वैद्यकीय दृष्टीकोनातून ध्यानामुळे होणारे लाभ !
कसाईमुक्त जनावरांच्या बाजारासाठी मिलिंद एकबोटे यांची आमरण उपोषणाची चेतावणी !
‘सनबर्न’ महोत्सवात ध्वनीप्रदूषणाचे नियम मोडल्यास कारवाई करण्याचे दायित्व पोलिसांचे ! – गोवा राज्य प्रदूषण नियंत्रण मंडळ
गोव्यात ‘सन, सी अँड सँड’ ऐवजी आध्यात्मिक आणि मंदिर संस्कृती यांना प्रोत्साहन दिले ! – मुख्यमंत्री डॉ. प्रमोद सावंत
मुंबईत ८०, तर नागपूर येथे २५ महिला देहव्यापार करतांना आढळल्या !
आचरा येथील समुद्रात अवैधरित्या मासेमारी करणार्या कर्नाटक येथील नौकेवर कारवाई !