इतरांचा विचार करणारी आणि सच्चिदानंद परब्रह्म डॉ. आठवले यांच्याप्रती भाव असलेली ५२ टक्के आध्यात्मिक पातळीची कर्णावती (गुजरात) येथील कु. मेहेक पाल (वय १० वर्षे) !

उच्च लोकातून पृथ्वीवर जन्माला आलेली दैवी (सात्त्विक) बालके म्हणजे पुढे हिंदु राष्ट्र (सनातन धर्म राज्य) चालवणारी पिढी ! कु. मेहेक पाल ही या पिढीतील एक आहे !

उद्या चैत्र शुक्ल प्रतिपदा (गुढीपाडवा ३०.३.२०२५) या दिवशी कु. मेहेक राजेश पाल हिचा वाढदिवस आहे. त्यानिमित्त तिच्या आजीच्या लक्षात आलेली तिची गुणवैशिष्ट्ये येथे दिली आहेत.

कु. मेहेक राजेश पाल हिला दहाव्या वाढदिवसानिमित्त सनातन परिवाराच्या वतीने अनेक शुभाशीर्वाद !

१. ‘कु. मेहेक स्वभावाने शांत आहे. 

२. नीटनेटकेपणा

ती स्वतःचे कपडे, तसेच तिची पुस्तके ठेवलेला खण नीट ठेवते.

३. प्रेमभाव

कुटुंबियांपैकी कुणी रुग्णाईत असल्यास मेहेक त्यांना लगेच साहाय्य करते. तिच्या आईची प्रकृती ठीक नसल्यास ती आईच्या कपाळावर गार पाण्याच्या पट्ट्या ठेवते.

४. इतरांचा विचार करणे

ती तिच्या आईला घरकामात साहाय्य करते, उदा. भाजी चिरणे, भांडी घासणे आणि अन्य लहान सहान कामे करणे.

५. ऐकण्याची वृत्ती 

एकदा तिच्या आईने तिची चूक झाली; म्हणून तिला खेळायला न जाता घरातच बसायला सांगितले. तेव्हा ती ३ घंटे एकाच ठिकाणी बसून राहिली.

६. परात्पर गुरु डॉ. आठवले यांच्या प्रती भाव

ती दैनिक ‘सनातन प्रभात’ मधील परात्पर गुरु डॉ. आठवले यांचे छायाचित्र पाहून ‘हे डॉ. बाबा आहेत. मला त्यांच्याकडे घेऊन चल’, असे सांगते आणि परात्पर गुरु डॉक्टरांच्या छायाचित्राला नमस्कार करते.’

– सौ. मंदा आष्टीकर (कु. मेहेकची आजी (आईची आई)), नवीन पनवेल, जिल्हा रायगड. (१५.४.२०२४)

यासमवेतच बालसाधकांमधील विविध दैवी पैलू सहजतेने उलगडणारी चलचित्रे (व्हिडिओज्) आपण इंटरनेटवर ‘यू ट्यूब’च्या goo.gl/06MJck मार्गिकेवरही पाहू शकता.