नागपूर, १८ डिसेंबर (वार्ता.) – येथील हिवाळी अधिवेशनाच्‍या ८ व्‍या दिवशी म्‍हणजे १८ डिसेंबर या दिवशी विधीमंडळ परिसरात विरोधक अमली पदार्थ माफिया ललित पाटील प्रकरणी आक्रमक झाले. विरोधी पक्षाच्‍या आमदारांनी ‘सरकारकडून काय करावी आशा, तरुणांच्‍या माथी मारली ड्रग्‍जची नशा’ म्‍हणत सरकारच्‍या विरोधात निदर्शने केली. ‘ड्रग्‍जने तरुणाई उद़्‍ध्‍वस्‍त करणार्‍या सरकारचा धिक्‍कार असो, तरुणाईला नशेच्‍या खाईत लोटणार्‍या सरकारचा धिक्‍कार असो, ड्रग्‍ज माफियांवर कारवाई न करणार्‍या सरकारचा धिक्‍कार असो’, अशा घोषणा देत विरोधकांनी सरकारच्‍या विरोधात जोरदार आंदोलन केले.
विधानसभेचे विरोधी पक्षनेते विजय वडेट्टीवार आणि विधान परिषदेचे विरोधी पक्षनेते अंबादास दानवे यांच्‍या नेतृत्‍वाखाली महाविकास आघाडीच्‍या आमदारांनी विधानभवनाच्‍या पायर्‍यांवर विरोधकांनी घोषणा दिल्‍या.
विरोधी पक्ष नेते विजय वडेट्टीवार म्‍हणाले की, दाऊदच्‍या साथीदारांसमवेत जेवायला बसलेले मंत्री गिरीश महाजन यांची चौकशी करावी. हिवाळी अधिवेशनाचा कालावधी वाढवण्‍याची मागणी विरोधकांच्‍या वतीने करण्‍यात आली होती; मात्र सरकार विरोधकांच्‍या या दबावाला बळी पडले नाही. त्‍यामुळे केवळ १० दिवसांचे अधिवेशन होत आहे.
‘हिंदु राष्ट्रासाठी स्वत:चे साहाय्य होईल’, अशी भूमिका घ्या ! – नितेश राणे, मत्स्यव्यवसाय आणि बंदरे विकासमंत्री, महाराष्ट्र
पाटवळ, सत्तरी (गोवा) येथे वन्यप्राण्यांची शिकार करतांना एकाचा मृत्यू झाल्याचे प्रकरण
कळंगुट येथे रस्त्यावर अनधिकृतपणे बिर्याणी विकणार्यांवर अन्न आणि औषध प्रशासनाची कारवाई
राज्याचे गृहमंत्री म्हणून देवेंद्र फडणवीस न्याय देतील हा विश्वास आहे ! – पंकजा मुंडे, पर्यावरणमंत्री
साईबाबा संस्थानमध्ये बनावट दर्शन पास सिद्ध करणारा कर्मचारी सागर आव्हाडवर गुन्हा नोंद !
बांगलादेशी आणि रोहिंग्या मुसलमानांची सांगली जिल्ह्यात शोधमोहीम राबवा ! – नितीन शिंदे, प्रदेशाध्यक्ष, हिंदु एकता आंदोलन