मुंबई महापालिकेचे नूतन आयुक्त चहल यांच्याकडून कामास प्रारंभ

मुंबई – इक्बालसिंह चहल यांनी मुंबई महापालिकेच्या आयुक्तपदाचा पदभार स्वीकारून कामास प्रारंभ केला. त्यांनी नायर रुग्णालयाला भेट देत तेथील उपचार, तसेच रुग्णालयातील व्यवस्था आणि साधनसामुग्री यांचा आढावा घेतला. त्यानंतर कोरोना रुग्णांची संख्या झपाट्याने वाढणार्‍या धारावीत जाऊनही आढावा घेतला. यापूर्वी आयुक्तपदी असलेले प्रवीणसिंह परदेशी हे नगरविकास खात्याच्या अपर सचिवपदाचा भार स्वीकारण्याऐवजी रजेचा अर्ज टाकत सुट्टीवर गेले आहेत.