कोरोनाच्या संकटातून सर्वांचे रक्षण होण्यासाठी श्री तुळजाभवानीदेवीची धन्वन्तरी  रूपात विशेष पूजा बांधण्यात आली. यात श्री तुळजाभवानीदेवीच्या नित्य पूजेनंतर मस्तकी मळवट भरून आधुनिक वैद्यांचे चिन्ह असणारा ‘लोगो’ हळदी-कुंकवात काढण्यात आला होता.

श्री तुळजाभवानी मंदिर संस्थानच्या वतीने भक्त निवास येथील कोरोना केंद्रामध्ये २०० ऑक्सिजन बेड सेंटर कार्यान्वित करण्यात येत आहेत. या सेंटरचे काम अंतिम टप्प्यात आले असून लवकरच हे ऑक्सिजन बेड सेंटर जिल्ह्यातील कोरोनाच्या गंभीर रुग्णांच्या सेवेसाठी उपलब्ध होणार आहेत.

जिल्ह्यात कोरोना रुग्णांची संख्या दिवसेंदिवस वाढत असल्याने जिल्हाधिकारी कौस्तुभ दिवेगावकर यांनी प्रतिबंधात्मक आदेश काढले आहेत. या आदेशानुसार श्री तुळजाभवानी देवीच्या मंदिरात प्रतिदिन केवळ ५ सहस्र भाविकांना प्रवेश देण्यात येणार आहे.