ठाणे येथे संरक्षण भिंत कोसळून ७ रिक्शांसह दुचाकीची हानी

ठाणे – येथील वागळे इस्टेट भागातील इंदिरानगर परिसरात २४ जूनच्या मध्यरात्री संरक्षण भिंत कोसळून ७ रिक्शा आणि एका दुचाकीची हानी झाली आहे. सुमारे ७ फूट उंच आणि १० फूट लांब भिंत रस्त्याच्या कडेला उभ्या असलेल्या वाहनांवर पडली. सुदैवाने या दुर्घटनेत कुणालाही दुखापत झाली नाही. घटनेची माहिती मिळताच पोलीस, ठाणे महानगरपालिकेचे आपत्ती व्यवस्थापन पथक आणि अग्नीशमन दलाचे पथक यांनी घटनास्थळी जाऊन ‘जेसीबी’च्या साहाय्याने ढिगारा हटवून अडकलेली वाहने बाहेर काढली. यात रिक्शांच्या पुढील भागाची हानी झाली आहे.