श्री तुळजाभवानी मंदिरात प्रतिदिन केवळ ५ सहस्र भाविकांना प्रवेश

तुळजापूर (जिल्हा धाराशिव) – जिल्ह्यात कोरोना रुग्णांची संख्या दिवसेंदिवस वाढत असल्याने जिल्हाधिकारी कौस्तुभ दिवेगावकर यांनी प्रतिबंधात्मक आदेश काढले आहेत. या आदेशानुसार श्री तुळजाभवानी देवीच्या मंदिरात प्रतिदिन केवळ ५ सहस्र भाविकांना प्रवेश देण्यात येणार आहे. श्री तुळजाभवानी मंदिरासह जिल्ह्यातील अन्य धार्मिक आणि प्रार्थनास्थळे प्रत्येक रविवारी बंद रहाणार आहेत, तसेच धार्मिक स्थळे भाविकांना दर्शनासाठी सकाळी ७ ते सायंकाळी ७ पर्यंत म्हणजे १२ घंट्यांसाठी चालू रहातील. भाविकांनी ‘ऑनलाईन’ दर्शनाचा अधिक लाभ घ्यावा, असे आवाहन श्री तुळजाभवानी मंदिर समितीचे अध्यक्ष तथा जिल्हाधिकारी कौस्तुभ दिवेगावकर यांनी केले आहे.