राज्यातील पोलीस ठाण्यांच्या आवारात महिला समुपदेशन केंद्रे स्थापन करणार !

मुंबई – महिला आणि बालके यांवर होणार्‍या अत्याचारांना प्रतिबंध करण्यासाठी शासनाने राज्यातील पोलीस ठाण्यांच्या आवारात महिला समुपदेशन केंद्रे स्थापन करण्यास मान्यता दिली आहे. या संदर्भातील शासन निर्णय २४ जून या दिवशी प्रसिद्ध करण्यात आला.

संबंधित पोलीस ठाण्याने या केंद्रांना आवश्यक जागा, फर्निचर, भ्रमणध्वनी आणि अन्य मूलभूत सुविधा उपलब्ध करून देणे बंधनकारक आहे. या केंद्रांवर कार्यरत असणारे समुपदेशक सामाजिक कार्य शाखेतील पदव्युत्तर पदवी (एम्.एस्.डब्ल्यू.) अर्हताप्राप्त असणे आवश्यक आहेत. या केंद्रांची तात्काळ कार्यवाही आणि कामकाज यांचा आढावा पुणे येथील महिला आणि बाल विकास आयुक्तांच्या वतीने घेतला जाईल.