गेल्या ३ मासांपासून एस्.टी. कर्मचार्‍यांचा संप चालू आहे. या संपावर तोडगा काढण्यासाठी मागील ८ दिवसांपासून मुंबईत एस्.टी. कर्मचार्‍यांच्या बैठका चालू आहेत.

कृती समितीच्या संदीप शिंदे यांनी सांगितले की, या बैठकीमध्ये कर्मचार्‍यांना पदनिहाय वेतनश्रेणीसह ७ व्या वेतन आयोगानुसार वेतन देण्याविषयी एस्.टी. चालू झाल्यानंतर चर्चा करण्याचे आश्वासन शरद पवार यांनी दिले आहे.

महाराष्ट्र राज्य कनिष्ठ श्रेणी संघटनेने महाराष्ट्र राज्य परिवहन महामंडळाचा संप मागे घेतला आहे, अशी माहिती संघटनेचे अध्यक्ष अजय गुजर यांनी दिली.